پاڪستان جي پرڏيهي آفيس جي ترجمان چيو آهي ته ايران ۽ آمريڪا وچ ۾ ايندڙ ڏينهن ۾ ڳالهين جو سلسلو جاري رکڻ تي اتفاق ٿي ويو آهي۔
ترجمان موجب، پاڪستاني ۽ قطري ثالثن دوحا ۾ آمريڪي ۽ ايراني ڳالهيون ڪندڙن سان ڌار ڌار ملاقاتون ڪيون، جنھن دوران اسلام آباد مفاهمتي يادداشت جي مختلف پهلوئن بابت معاملن تي هاڪاري اڳڀرائي ٿي آهي۔
پرڏيهي آفيس موجب اها اڳڀرائي ليڪ لوزرن سربراهي اجلاس ۾ ٿيل اڳڀرائي کي اڳتي وڌائيندي حاصل ٿي آهي، ۽ ان موقعي تي ڌرين ايندڙ ڏينهن ۾ به ڳالهين جو سلسلو جاري رکڻ تي اتفاق ڪيو.
ترجمان موجب ايندڙ ملاقات اڳوڻي ايراني سپريم ليڊر آيت الله خامنه اي جي تدفين جي رسمن کان پوءِ جلد کان جلد طئي ڪئي ويندي۔
