اسرائيلي وزيراعظم بنيامين نيتن ياهو چيو آهي ته جيڪڏهن ضرورت پئي ته اسرائيل ايران تي ٻيهر حملو ڪندو۔
سندس چوڻ هو ته اسرائيل اهو يقيني بڻائيندو ته ايران جوهري هٿيار حاصل نه ڪري سگهي۔
گذريل ڏينهن هڪ اسرائيلي ٽي وي چينل کي ڏنل انٽرويو ۾ نيتن ياهو دعويٰ ڪئي ته “اسان پاڻ کي ايراني ايٽمي بمن جي خطري کان محفوظ بڻائي ڇڏيو آهي.”
سندس اهو بيان اهڙي وقت سامهون آيو آهي، جڏهن واشنگٽن ۽ ايران جي وچ ۾، پاڪستان جي ثالثي سان طئي ٿيل مفاهمتي يادداشت (ايم او يو) 18 جون کان لاڳو ٿي چڪي آهي۔ هن دستاويز تي ايراني صدر مسعود پزشڪيان ۽ آمريڪي صدر ڊونلڊ ٽرمپ اليڪٽرانڪ صحيون ڪيون هيون۔
هي معاهدو واشنگٽن ۽ تهران جي وچ ۾ تڪرار جي خاتمي ۽ باقي رهيل معاملن کي ڳالهين ذريعي حل ڪرڻ لاءِ هڪ فريم ورڪ فراهم ڪري ٿو۔ ان ۾ جنگبندي، پابندين ۾ نرمي، جوهري پروگرام، آبنائے هرمز جي بحالي ۽ وسيع علائقائي سلامتي سان لاڳاپيل معاملا شامل آهن۔
اسرائيل ڪيترن ئي موقعن تي تهران سان ڪنهن به ممڪن معاهدي جي مخالفت جو اظهار ڪري چڪو آهي ۽ ايران تي ٻيهر حملن جون ڌمڪيون پڻ ڏئي چڪو آهي۔
