ممبئي (شوبز ڊيسڪ) بالي ووڊ جي مشهور اداڪارا راني مکرجي جي والده ڪرشنا مکرجي 75 ورهين جي ڄمار ۾ لاڏاڻو ڪري وئي.
ڀارتي ميڊيا ۽ خانداني ذريعن موجب، ڪرشنا مکرجي جو گذريل ڏينهن انتقال ٿيو، جنهن جي خاندان طرفان تصديق ڪئي وئي آهي.
خاندان طرفان سوشل ميڊيا تي جاري ڪيل بيان ۾ چيو ويو ته انتهائي ڏک سان ڪرشنا مکرجي جي لاڏاڻي جي خبر شيئر ڪري رهيا آهيون.
ڪرشنا مکرجي اڳوڻي پلي بيڪ گلوڪاره پڻ رهي چڪي هئي، جڏهن ته سندس شادي فلمساز رام مکرجي سان ٿي هئي.
خاندان ڏک جي هن گهڙي ۾ ميڊيا ۽ مداحن کان رازداري جو احترام ڪرڻ جي درخواست ڪئي آهي.
