اسلام آباد: نائب وزيراعظم اسحاق ڊار ۽ ايران جي پرڏيهي وزير عباس عراقچي وچ ۾ ٽيليفون تي رابطو ٿيو، جنهن دوران امن ۽ استحڪام لاءِ پنهنجي عزم جو ورجاءُ ڪيو ويو۔
پرڏيهي آفيس موجب ايراني پرڏيهي وزير عباس عراقچي سان ڳالهه ٻولهه دوران اسحاق ڊار خطي ۾ امن ۽ استحڪام جي حصول لاءِ پاڪستان جي پختي عزم جو ورجاءُ ڪيو۔
ترجمان موجب عباس عراقچي امن عمل کي اڳتي وڌائڻ لاءِ پاڪستان جي مسلسل حمايت کي ساراهيو ۽ ايراني عملي ۽ مهاڻن جي محفوظ وطن واپسي تي پاڪستان جو شڪريو ادا ڪيو۔
ٻڌايو ويو آهي ته ان موقعي تي ٻنهي اڳواڻن گڏيل رابطن کي جاري رکڻ تي به اتفاق ڪيو۔
