ڪراچي ۾ گئس فراهمي جي مقرر ڪيل وقتن تي عملدرآمد نه ٿيڻ سبب شهري سخت پريشاني جو شڪار بڻجي ويا آهن.
صارفين جو چوڻ آهي ته صبح جو 6 وڳي کان 10 وڳي تائين گئس فراهمي جو شيڊول مقرر ٿيل آهي، پر شهر جي مختلف علائقن ۾ گئس صبح 7 وڳي بحال ڪئي وڃي ٿي.
صارفين موجب ڪيترن ئي علائقن ۾ گئس 10 وڳي بدران ساڍي 9 وڳي بند ڪرڻ جون به شڪايتون سامهون آيون آهن.
شهرين جو چوڻ آهي ته حڪومتي اعلان باوجود سوئي سدرن گئس ڪمپني مقرر ڪيل شيڊول تي عمل نٿي ڪري، جنهن سبب گهرن ۾ خاص طور تي عورتن کي سخت ڏکيائين ۽ تڪليفن کي منهن ڏيڻو پوي ٿو.
