ڪراچي ۾ ملزمہ انمول عرف پنڪي جي پھريان ئي گرفتار ويجھي ساٿي کي تفتيش لاءِ تحويل ۾ وٺڻ لاءِ پوليس ڊسٽرڪٽ اينڊ سيشن عدالت سان رابطو ڪري ورتو.
پوليس ملزمہ جي پھريان کان گرفتار سھولتڪار جي گرفتاري ۽ جاچ جي اجازت طلب ڪئي آھي جنھن تي عدالت پوليس کي 2 ڪيسن ۾ جوابدار جي گرفتاري ۽ جاچ جي اجازت ڏئي ڇڏي.
عدالت جاچ آفيسر کي ھدايت ڪئي آھي تہ ملزم محمد سمير کان سينٽرل جيل وڃي جاچ ڪئي وڃي.
پوليس مطابق ملزم سمير جون 2021ع ۾ داخل ڪيس ۾ گرفتار ۽ جيل ۾ آھي جڏھن تہ ملزمہ انمول عرف پنڪي جسماني رمانڊ تي پوليس جي تحويل ۾ آھي.
پوليس جو چوڻ آھي تہ ملزم محمد سمير موٽر سائيڪل ذريعي منشيات سپلاءِ ڪندو ھو ۽ منشيات جي مد ۾ ملندڙ رقم بہ بئنڪ اڪائونٽ ۾ منتقل ڪندو ھو.
