ڪراچي : سنڌحڪومت بچت واري پاليسي لاڳو ڪندي دڪانن ۽ شاپنگ مالز کي رات جلد بند ڪرڻ جو اعلان ڪيو آهي۔
سرڪاري نوٽيفڪيشن موجب مارڪيٽون، هوٽلز ۽ شادي هالز جا نوان وقت مقرر ڪيا ويا آهن۔
نوٽيفڪيشن موجب ڪراچي سميت ٻين ڊويزنل هيڊڪوارٽرز کان کانسواءِ سڀني ضلعن ۾ دڪان، مارڪيٽون ۽ شاپنگ مالز رات 8 وڳي بند ڪيا ويندا، جڏھن تہ ڊويزنل هيڊڪوارٽرز ۾ اهي رات 9 وڳي بند ٿيندا۔
هوٽلز ۽ فوڊ آئوٽليٽس کي شام 7 وڳي کان رات 11:30 تائين کولڻ جي اجازت هوندي، جڏھن تہ هوم ڊليوري ۽ ٽيڪ اوي سروس تي ڪا بہ پابندي نہ هوندي۔
نوٽيفڪيشن موجب شادي هالز کي رات 8 وڳي کان 12 وڳي تائين تقريبون ڪرڻ جي اجازت هوندي۔
تنهن هوندي بہ تندور، ملڪ شاپس، بئڪريز، ميڊيڪل اسٽورز، ليبارٽريون، ڪلينڪس، اسپتالون ۽ پيٽرول پمپس انهن پابندين کان آجا هوندا۔
نوٽيفڪيشن موجب بچت پاليسي واريون ھدايتون فوري طور لاڳو ھونديون …
