اسلام آباد: قومي اسيمبلي جي اسٽينڊنگ ڪميٽي ۾ سوئي گئس ڪمپنين ۾ گيس چوري ۽ ليڪج سان قومي خزاني کي ساليانو 60 ارب رپيا نقصان ٿيڻ جو انڪشاف ٿيو آھي.
قومی اسمبلی جي اسٽينڊنگ ڪميٽي جو اجلاس پارليامينٽ هائوس ۾ سيد مصطفیٰ محمود جي صدارت هيٺ ٿيو، جنهن ۾ ڪميٽي ميمبر گل اصغر خان ٻنهي گيس ڪمپنين (ايس ايس جي سي ۽ ايس اين جي پي) جي نجڪاري جو مطالبو ڪندي چيو تہ ڪاروبار هلائڻ حڪومت جو ڪم ناهي۔
گل اصغر خان چيو تہ ٻنهي گيس ڪمپنين جا ساليانا 60 ارب رپين جا نقصان ڪا ننڍي ڳالهہ ناهي ۽ اهو بار عوام کي برداشت ڪرڻو پوي ٿو۔
سوئي ناردرن جي مينيجنگ ڊائريڪٽر عامر طفیل ٻڌايو تہ سوئي ناردرن ۾ گيس جو نقصان ليڪيج ۽ چوري سبب 5.27 سيڪڙو آهي، جيڪو اوگرا جي ھدف کان بہ گھٽ آھي ۽ موجودہ گئس نقصانن جو ڪاٿو 30 ارب رپيا ساليانو آھي.
سوئي سدرن جي ايم ڊي امین راجپوت موجب، سوئي سدرن گئس ڪمپني جو ساليانا نقصان پڻ لڳ ڀڳ 30 ارب رپيا آهن، جن کي 17 سيڪڙو کان گهٽائي 10 سيڪڙو تائين آندو ويو آهي۔
ڪميٽي ميمبر سيد نويد قمر گيس سيڪٽر ۾ وڌندڙ گردشي قرض تي ڳڻتي ظاهر ڪندي چيو تi گيس سيڪٽر جو گردشي قرض لڳاتار وڌي رھيو آهي، اهڙي صورتحال ۾ گيس ڪمپنيون تباه ٿي سگهن ٿيون۔
ان تي ڊي جي گيس ٻڌايو تہ گيس سيڪٽر جو مجموعي گردشي قرض 3,283 ارب رپيا آهي، جنهن مان 1,452 ارب رپيا ليٽ پيمنٽ سرچارجز شامل آهن۔…
