ڪراچي: گل پلازہ سانحو، گرائونڊ فلور تي موجود ٻارڙي ھٿان گلن جي دڪان ۾ باھ لڳي، ڪمشنر ڪراچي حتمي جاچ رپورٽ تيار ڪري ورتي آھي.
گل پلازہ سانحي جي حتمي رپورٽ ڪمشنر ڪراچي ۽ ايڊيشنل آءِ جي تي ٻڌل ڪميٽي تيار ڪئي، ڪمشنر گل پلازہ ۾ باھ واقعي جي رپورٽ وڏي وزير مراد علي شاھ کي پيش ڪندو.
رپورٽ ۾ باھ لڳڻ جا سبب، باھ وسائڻ سميت ريسڪيو سان لاڳاپيل تفصيل شامل آھن، رپورٽ ۾ متاثرن، اکين ڏٺن شاھدن ۽ ريسڪيو اھلڪارن کان حاصل ڪيل ڄاڻ شامل آھي.
رپورٽ موجب باھ گرائونڊ فلور تي ٻار جي هٿان گلن جي دڪان ۾ لڳي، جيڪا تيزي سان پکڙجي ايئرڪنڊيشن طرف وڌي وئي.
رپورٽ ۾ ڄاڻيو ويو آھي تہ باھ لڳڻ سبب 79 ڄڻا فوت ٿيا، گھڻيون فوتگيون پلازہ جي ميز نائن فلور تي ٿيون………
