ڪراچي ۾ بدترين لوڊشيڊنگ جاري آهي، ڪيترن ئي علائقن ۾ لوڊشيڊنگ 12 ڪلاڪن کان به وڌي وئي آهي.
ڪراچي جي علائقن اورنگي ٽائون، ڪورنگي، لياري ۽ ماڙي پور ۾ بنا اعلان جي لوڊشيڊنگ سبب شهري پريشان آهن.
قائدآباد، ملير، منگھوپير، ڪيماڙي ۽ سرجاني ۾ به ڪيترن ڪلاڪن تائين بجلي جي بندش جاري آهي. نيو ڪراچي، لائنز ايريا، سولجر بازار ۽ گلشن معمار جا رهواسي به بجلي جي بندش سبب پريشان آهن.
شهر ۾ سخت گرمي دوران ڊگهي لوڊشيڊنگ سبب روزمره جون سرگرميون ۽ ڪاروبار متاثر ٿي رهيا آهن.
جڏهن ته ڪي اليڪٽرڪ طرفان دعويٰ ڪيو ويو آهي ته 10 ڪلاڪن کان وڌيڪ لوڊشيڊنگ نٿي ڪئي وڃي، ۽ ڪجهه علائقن ۾ بلن جي عدم ادائيگي سبب بجلي بند ڪئي وڃي ٿي۔
