ڪراچي مان مبينا طور گم ٿيل سوشل ورڪر غني امان چانڊيو جي بازيابي لاءِ مختلف شھرن ۾ سياسي سماجي ۽ قومپرست ڌرين پاران احتجاج مظاھرا ڪيا ويا.
ڪي اين شاھ ۾ جسقم ۽ نيشنل سنڌ ڪانگريس پاران پريس ڪلب آڏو غني امان چانڊيو جي گمشدگي خلاف پريس ڪلب آڏو مظاھرو ڪيو ويو.
ميرپورماٿيلو ۾ بہ غني امان چانڊيو ۽ ٻين قومي ڪارڪن جي گمشدگي خلاف ڊي ايڇ ڪيو پريس ڪلب کان ڀٽائي چوڪ تائين فقير رمضان ڪلوڙ جي اڳواڻي ۾ ريلي ڪڍي وئي.
قمبر ۾ غني امان چانڊيو جي بازيابي لاءِ سياسي سماجي اڳواڻن ۽ برادري جي ماڻهن طرفان احتجاجي مظاهرو ڪيو ويو.
ڪنڌڪوٽ ۾ غني امان چانڊيو ۽ سرمد ميراڻي جي آزادي لاءِ جسقم پاران احتجاجي مظاهرو ڪيو ويو.
بڪيراشريف ۾ شاگرد اڳواڻ غني امان چانڊيو جي بازيابي لاءِ سياسي سماجي اڳواڻن سميت شهرين ريلي ڪڍي احتجاج ڪيو ويو..
اڳواڻن مطالبو ڪيو تہ شاگرد ۽ سوشل ورڪر غني امان چانڊيو کي فوري طور ظاھر ڪيو وڃي.
