هيءَ تصويرن تي ٻڌل اسٽوري آهي
استنبول ۾ پاڪستاني قونصل جنرل پاران ترڪيه ۾ پاڪستاني انبن کي ھٿي ڏيڻ لاءِ تقريب منعقد ڪئي وئي.
ميون جي بادشاهه پاڪساني انب جي عنوان ھيٺ ٿيندڙ تقريب ۾ زندگي جي مختلف شعبن سان تعلق رکندڙ ماڻھن شرڪت ڪئي.
تقريب ۾ انب جي ذائقي ۽ خوشبو کي پاڪستاني ثقافت ۽ معيشت جو اھم حصو قرار ڏنو ويو.
ان موقعي تي ڳالھائيندي قونصل جنرل نعمان اسلم چيو ته پاڪستان انب پيدا ڪندڙ دنيا جو چوٿون وڏو ملڪ آھي، پنجاب ۽ سنڌ ۾ ساليانو ڪيترائي ھزار ٽن پيداوار ٿئي ٿي، پاڪستان ۾ 20 کان وڌيڪ قسمن جا انب پوکيا ويندا آھن.
نعمان اسلم ٻڌايو ته پاڪستنا پھريان ئي وچ اوڀر، يورپ، آسٽريليا ۽ آمريڪا سميت ڪيترن ئي خطن کي انب موڪليندوآھي.
سندس چوڻ ھو ته ڪجھ سالن دوران ترڪيه جي مارڪيٽ ۾ بھ پاڪستاني انب متعارف ڪرايا ويا آھن.
ھن چيو ته اھڙي قسم جون تقريبون ترڪيه جي ماڻھن کي پاڪستاني انبن جي ذائقي ۽ معيار بابت ڄاڻ ڏيڻ لاءِ مددگار ثابت ٿينديون.
تقريب ۾ شرڪت ڪندڙن پاڪستاني انبن جي ذائقي جي واکاڻ ڪئي ۽ ان ڳالھه تي زور ڏنو تھ ٻنھي ملڪن ۾ واپاري لاڳاپن کي وڌيڪ ھٿي ڏيڻ جي ضرورت آھي.
نوٽ: پاڪستان جا انب (خاص طور تي سنڌڙي انب) دنيا جي ڪهڙن ملڪن ۾ ايونٽس تي نمائش لاءِ پيش ٿيندا آهن، ان حوالي سان اوهان جلد ڊبليو ٽي اين تي تفصيلي رپورٽ ڏسندا.
