آءِ سي سي ورلڊ ڪپ مان بنگلاديش جي ڪڍڻ کانپوءِ پاڪستان ڪرڪيٽ بورڊ احتجاج لاءِ مختلف آپشنز تي غور شروع ڪري ڇڏيو آهي۔
ذريعن موجب پاڪستان 15 فيبروري تي ڪولمبو ۾ ڀارت خلاف ميچ جو بائيڪاٽ ڪري سگهي ٿو ۽ ڀارت خلاف ميچ نہ کيڏڻ جي صورت ۾ پاڪستان جا صرف 2 پوائنٽس ڪٽيا ويندا۔
ذريعن جو چوڻ آهي تہ پي سي بي وٽ ڀارت خلاف ميچ نہ کيڏڻ جو آپشن موجود آهي ۽ اهڙو فيصلو ڪرڻ سان آءِ سي سي کي وڏو مالي نقصان ٿيندو۔
ذريعن وڌيڪ چيو تہ ورلڊ ڪپ ۾ شرڪت ڪرڻ جي صورت ۾ بہ بورڊ پنهنجا آپشنز کليل رکندو۔
واضح رھي تہ ٽي ٽوئنٽي ورلڊ ڪپ ۾ بنگلاديشي ٽيم سيڪيورٽي خدشن سبب ڀارت وڃڻ کان انڪار ڪيو ھو ۽ پنھنجا سڀ ميچ سريلنڪا ۾ منتقل ڪرڻ لاءِ آءِ سي سي کي درخواست ڏني ھئي،، پر آءِ سي سي بنگلاديش بورڊ جي اها درخواست قبول نہ ڪئي ۽ ان جي جاءِ تي اسڪاٽلينڊ کي گروپ ۾ شامل ڪيو ويو۔…
