مالاڪنڊ ويجھو فائرنگ ۾ جي يو آءِ اڳواڻ مفتي ڪفايت اللھ ۽ سندس گھرواريءَ زخمي ٿي پيا، سندس پٽ ۽ ڌيءَ مارجي ويا.
مالاڪنڊ جي تعلقي بٽ خيلا ۾ فائرنگ سبب جي يو آءِ جو ضلعي امير مفت ڪفايت الله ۽ سندس گھرواريءَ زخمي ٿي پيا.
ليويز موجب فائرنگ جي واقعي ۾ جي يو آءِ اڳواڻ مفتي ڪفايت اللھ جو پٽ عصمت اللھ ۽ ڌيءَ مارجي ويا آھن.
واقعي بعد قانون لاڳو ڪندڙ ادارن جي اھلڪارن علائقي کي ڪڙو چاڙھي ڇڏيو.
مارجي ويلن جا لاش ۽ زخمين کي اسپتال منتقل ڪيو ويو.
ليويز ذريعن موجب فائرنگ ۾ مفتي ڪفايت اللھ جو ھڪ پٽ ۽ ڌيءَ زخمي به ٿيا.
مفتي ڪفايت الله تي فائرنگ ڪنھن ڪئي؟
ليويز ذريعن موجب جي يو آءِ اڳواڻ مفتي ڪفايت اللھ تي فائرنگ سندس پٽ ئي ڪئي آھي.
فائرنگ ڪندڙ جوابدار نشي جو عادي آھي.
اختيارين موجب مفتي ڪفايت اللھ ۽ گھرڀاتين تي فائرنگ ڪندڙ جوابدار نشي جو عادي آھي.
ذريعن موجب جوابدار گھرڀاتين تي فائرنگ بعد فرار ٿي ويو، سندس گرفتاري لاءِ ڇاپا ھنيا پيا وڃن.
مفتي ڪفايت الله جي حالت خطري کان ٻاھر آھي؟
ڊاڪٽرن جو چوڻ آھي ته مفتي ڪفايت اللھ جي حالت ھاڻي خطري کان ٻاھر آھي.
ڊاڪٽرن موجب مفتي ڪفايت اللھ کي تڪڙ ۾ اسپتال پھچايو، تڪڙي طبي امداد ملڻ سبب سندس حالت ھاڻي خطري کان ٻاھر آھي.
حملو ڪندڙ جوابدار جي گرفتاري لاءِ ڇاپا
ليويز موجب جي يو آءِ اڳواڻ تي حملو ڪندڙ جوابدار موقعي تان فرار ٿي ويو ھو.
اختيارين موجب جوابدار جي گرفتاري لاءِ مختلف ھنڌن تي ڇاپا ھنيا پيا وڃن، جلد کيس قانون جي ڪٽھڙي ۾ آندو ويندو.
حملي جو سبب ڪھڙو آھي؟
جي يو آءِ اڳواڻ مفتي ڪفايت اللھ تي ٿيل حملي جو ڪارڻ سامھون ناھي اچي سگھيو.
اختيارين جو چوڻ آھي تھ مفتي ڪفايت اللھ تي فائرنگ گھر اندر سندس پٽ ئي ڪئي آھي.
اختيارين موجب فائرنگ ڪندڙ جوابدار نشي جو عادي آھي، واقعي جو ڪارڻ سامھون ناھي اچي سگھيو.
