سنڌ جي سرڪاري ملازمن جي سڏ تي مطالبن جي مڃتا لاءِ سموري صوبي ۾ ھڙتال ڪئي وئي آھي، سنڌ امپلائيز الائنس جي سڏ تي اڄ کان 27 سيپٽمبر تائين آفيسون بند رکيون وينديون.
قمبر شھدادڪوٽ، ٺٽو، خيرپور، ميرپور ماٿيلو، ٽنڊو مير علي، راڄو خاناڻي، جوھي، ڄام صاحب ۽ ٻين شھرن ۾اسڪولن سميت ٻين سرڪاري آفيسن جي تالابندي ڪري احتجاجي مظاھرا ڪيا پيا وڃن.
اڳواڻن جو چوڻ آھي تہ وفاقي حڪومت تڪراري پينشن پاليسي ختم ڪري ۽ ٻيا مطالبا بہ تسليم ڪري
ان کان اڳ سرڪاري ملازمن جي تنظيم سنڌ امپلائيز الائنس ميرپور خاص ۽ حيدرآباد ۾ احتجاجي مظاھرا ڪيا ھئا، اِنھن مظاھرن ۾ ھزارين ملازمن شرڪت ڪئي ھئي جن ۾ عورت ملازمن جو وڏو انگ شامل ھو.
