سنڌ جي سينيئر وزير شرجيل انعام ميمڻ جو چوڻ آھي تہ عورت انمول معاشري ۾ زھر ڦھلائڻ جي ڪوشش ڪئي.
حيدرآباد ۾ تقريب کي خطاب ڪندي ھن چيو تہ اسان جي صوبائي حڪومت جو ايڪشن قابل تحسين آھي، سڄي سنڌ ۾ منشيات جي خلاف آپريشن ٿي رھيو آھي، اسان صوبي مان منشيات جو خاتمو ڪنداسين.
شرجيل ميمڻ جو چوڻ ھو تہ عورتن کي ٽريننگ، لائسنس ۽ فري مين اسڪوٽي ڏني پئي وڃي، پاڪستان واحد ملڪ آھي جتي مفت ۾ اسڪوٽي ڏني پئي وڃي، ميرٽ مطابق عورتن ۾ اسڪوٽيز تقسيم ڪيون پيون وڃن.
صوبائي وزير چيو تہ وڪيل عورتن کي بہ پنڪ اسڪوٽي مفت ڏني ويندي، اسان عورتن لاءِ ڌار بسون شروع ڪيون آھن.
ھن چيو تہ جيڪڏھن سستي بجلي بڻجي سگھي ٿي تہ اھا ڪوئلي مان بڻجي سگھي ٿي، سنڌ حڪومت تمام وڏا پروجيڪٽ ڏنا آھن، سڄي سنڌ ۾ سفري سھولتون ڏنيون وينديون.
